Læknahúsið á Sandi er ein virkisstova, ið er ætlað fólkapensiónistum, ið búgva heima og hava tørv á einum virknum, innihaldsríkum og skipaðum gerandisdegi.
Endamálið við virkisstovuni er:
At eggja aldrandi borgarum at vera virknir í egnum lívi. Dentur verður lagdur á rørslu, kost, heilsustimbran og fyribyrging í einum innihaldsríkum gerandisdegi, ið er merktur av trivnaði og hugnaligari samveru.
Innihald
Áhugamálini hjá teimum, ið koma í virkisstovuna mynda dagskránna. Virksemið er fjølbroyt og fevnir m.a um gongutúrar í nærumhvørvinum, sang, borðspøl, stólafimleik, upplestur, handarbeiði og njóta samveruna við hinum í virkisstovuni.
Virkisstovan er eitt tørvsmett tilboð og tí má søkjast um at luttaka. Leinkja til umsóknablað HER
Opið er:
Hósdag kl. 9.30 til 15.30
Kostnaður
Gjald er ásett fyri tilboðið og til ber at síggja gjøldini í Økistænastuni HER
Flutningur
Møguleiki er fyri at søkja um flutning, um ein ikki hevur aðrar møguleikar at koma til og frá virkisstovuni.